Melodi pasticceria caffe

Kur gjithçka po e merrte teposhtën, e makineria serbo-jugosllave po synonte largimin e punëtorëve nga rajoni i Llapushës dhe shtytjen e tyre drejt migrimit, ne nuk u dorëzuam përballë tyre. Ndonëse vitet e 90-ta ishin të vështira, pas një angazhimi dhe mundi shumë të madh, më 1993, në pjesën qendrore në Malisheve, e hapëm biznesin e parë, pijetoren tonë. E quajtëm, Visari Commerc, me një hapësirë kreative. E përshtatshme për tu vizituar nga mosha te ndryshme, meqë ishte vendosur në pjesën frekuentuese të qytezës asaj kohe. Ofronim pije të ndryshme dhe ambiente të përshtatshëm për relaksim. Me kalimin e kohës, u rritën kërkesat për produkte dhe shërbime. Por, lufta bëri që të ndërpritej biznesi.

E kur liria trokiti, lindi Ideja për krijimin e një sektori të ri në biznes. Prapë, do ta nisnim si biznes familjarë. Më 1999 nisëm punën në sektorin e hotelerisë e gastronomisë. E hapëm pastiqerinë e pare të qytezës sonë të atëhershme. Fillimisht e quajtëm me emrin “Enisa”. Dhe, e nisëm mbarë. Veprimtaria jonë zhvillohej në dy lokale, ku u shërbenim klientëve të gjitha llojet e ëmbëlsirave. Por, padyshim, fokusi ishte edhe tek akulloret. Të gjitha produktet prodhoheshin në kuzhinën tonë, me një staf të gjerë, e të përkushtuar. Gjithsej ishim të angazhuar, 8 persona. Por, për fillim. Me kalimin e kohës, numri u rritë ne stafin.

Biznesi në pastiçeri, vazhdon edhe sot. Tani, kemi bërë jehonë. Enisa vazhdoi rrugëtimin dhe krijoi imazhin e vet. Tingullin e vet. Bëri jehonë. Kështu, evoluuam në Melodi.

Sot biznesi jonë familjar mbanë emrin MELODI. Çdo ditë e më shumë tingëllon dhe ofron ëmbëlsira të këndshme e të llojllojshme. Ambienti relaksues e familjar, bën vend për shumë klientë, ditë e natë që vijnë për ta shijuar edhe kafenenë e shoqëruar me limonada që i prodhojmë vet, e që janë krejt natyrale e me produkte bio.

Së fundmi, ndryshimet shoqërore, kanë sjell edhe kërkesa të reja. Tani, Melodi ka edhe një kërkesë të madhe për ëmbëlsira familjare.

Ëmbëlsirat, e veçanërisht tortat dekorative, janë pjesë e secilës familje në shënimin e gazmendeve të tyre familjare, sidomos të ditëlindjeve e martesave.